NANDED | धर्माबाद | युवा रक्षक वृत्तसेवा.
धर्माबाद:- धर्माबाद नगर परिषदेच्या आगामी निवडणुकीत नगराध्यक्ष पदाच्या सर्वसाधारण महिला जागेसाठी का.लक्ष्मणराव किशनराव सोनटक्के यांची कन्या विजयालक्ष्मी लक्ष्मणराव सोनटक्के यांनी निवडणूक लढवण्याचा महत्त्वपूर्ण निर्णय घेतला आहे. आपल्या नेतृत्वाखाली शहराचा विकास साधून, महिला सक्षमीकरणाच्या दिशेने ठोस काम करण्याची त्यांची तयारी आहे.
•नेतृत्वाची नवी दिशा:
आपल्या उमेदवारीबद्दल बोलताना विजयालक्ष्मी सोनटक्के यांनी ठाम विश्वास व्यक्त केला की, “मी शहराच्या विकासासाठी आणि महिलांच्या सक्षमीकरणासाठी प्रभावीपणे काम करू शकते.” त्या पुढे म्हणाल्या की, “मी एक अभ्यासू,आणि बिंदास्त काम करणारी उमेदवार आहे. कोणत्याही पक्षाच्या बंधनात न राहता, शहरातील समस्या सोडवण्यासाठी मी सक्षम आहे. हेच माझ्या आत्मविश्वासाचे आणि स्वतंत्र विचारांचे प्रतीक आहे.”
•आरक्षण आणि सामाजिक बांधिलकी:
संविधानाने महिलांना दिलेल्या आरक्षणाचा योग्य उपयोग करून, शहराच्या विकासाला गती देण्याची त्यांची इच्छा आहे. ‘संविधानाने महिलेला आरक्षण दिले आहे आणि मी त्याचा वापर करून शहराच्या विकासासाठी काम करू इच्छिते, हे माझ्या सामाजिक जबाबदारीचे आणि महिला सक्षमीकरणाचे प्रतीक आहे,’ असे त्यांनी स्पष्ट केले.
•जनतेला आवाहन:
धर्माबादच्या जनतेला भावनिक आवाहन करताना विजयालक्ष्मी सोनटक्के यांनी एक महत्त्वाचा प्रश्न उपस्थित केला आहे, “धर्माबादच्या जनतेला महिला अध्यक्षा पाहिजे की प्रतिनिधी? एकदा विचार करा.” त्यांना पूर्ण आशा आहे की, धर्माबादच्या विकासासाठी आणि महिलांच्या सक्षमीकरणासाठी जनता त्यांना निवडून देईल आणि त्यांच्या विजयाने शहरात विकासाचे नवे पर्व सुरू होईल. विजयालक्ष्मी सोनटक्के यांच्या उमेदवारीमुळे धर्माबाद नगर परिषद निवडणुकीत एक नवा आणि प्रभावी पर्याय मतदारांसमोर उभा राहिला आहे.