” सण-उत्सवात घरं सुरक्षित ठेवा’; पोलीस अधीक्षक मा. अबिनाश कुमार यांचं आवाहन “
NANDED | नांदेड | युवा रक्षक वृत्तसेवा.
नांदेड:- सण-उत्सवाच्या काळात नागरिकांनी बाहेरगावी जाताना घरात चोरी होऊ नये, यासाठी नांदेड जिल्हा पोलीस दलातर्फे एक महत्त्वाचे ‘जाहीर आवाहन’ करण्यात आले आहे. पोलीस अधीक्षक अबिनाश कुमार यांनी नागरिकांना दक्षता घेण्याचे आणि पोलिसांना सहकार्य करण्याचे निर्देश दिले आहेत.
मुख्य सूचना खालीलप्रमाणे:
• शेजारी/रक्षकांना माहिती द्या: घरकुलूपबंद करून बाहेरगावी जाताना शेजारी किंवा नेमलेल्या पहारेकऱ्यांना माहिती द्यावी. तसेच, आपल्या कुलूपबंद घराची देखरेख ठेवण्याबाबत त्यांना कळवावे.
• कुलूप लावा: मुख्य दरवाजास उत्तम प्रतीचे कुलूप व कडी लावावी.
• दिवे चालू ठेवा: बाहेरून दिसणारे घरातील लाईट चालू स्थितीत ठेवावे.
• नाईट व्हिजन/सीसीटीव्हीचा वापर: शक्य असल्यास आपल्या घराच्या अवती भवती चांगल्या प्रतीचे (नाईट व्हिजन) एल.ई.डी.सी.सी.टी.व्ही. कॅमेरे लावावेत.
• पोलीस स्टेशनला कळवा: बाहेरगावी जाण्यापूर्वी संबंधित पोलीस स्टेशनचे प्रभारी अधिकारी यांना कळवावे.
• दागिने/रोख रक्कम घरात न ठेवणे: शक्य झाल्यास घरातील सोने, चांदीचे दागिने किंवा मौल्यवान वस्तू व रोख रक्कम घरातील कपाटात न ठेवता बँकेमध्ये, लॉकरमध्ये ठेवावे. कारण चोरट्यांचे घरातील कपाटे हे पहिले टार्गेट असते.
• बाहेरील लाईट चालू ठेवा: आपल्या घराच्या आजूबाजूच्या परिसरात लाईट रात्रीचे वेळी चालू स्थितीत राहतील याची काळजी घ्यावी.
• तत्काळ परतण्याची तयारी: चोरी केल्यानंतर लवकरात लवकर गावाबाहेर पडता यावे या दृष्टीने गावातील किंवा शहराच्या कडेला असलेली घरेही चोरट्यांचे टार्गेटवर असतात. त्यामुळे गावातील किंवा शहरातील कडेला असणाऱ्या घरमालकांनी जास्त काळजी घ्यावी.
• ग्रामसुरक्षा: आपल्या गल्लीत किंवा गावामध्ये ग्रामसुरक्षा दल स्थापन करून आळीपाळीने आपल्या गल्लीत किंवा गावात रात्र गस्त ठेवावी.
• एका व्यक्तीला घरी ठेवा: शक्यतो आपल्या घरात सर्व माणसे बाहेरगावी न जाता एखादी व्यक्ती घरी राहील या बाबत दक्षता घ्यावी.
पोलीस दलाने नागरिकांना पोलीस मदतीसाठी 112 या क्रमांकावर आणि पोलीस नियंत्रण कक्ष नांदेड – 02462-234720 या क्रमांकावर संपर्क साधण्याचे आवाहन केले आहे. पोलीस अधीक्षक अबिनाश कुमार यांनी शांतता व सुरक्षिततेसाठी नागरिकांच्या सहकार्याची अपेक्षा व्यक्त केली आहे.