PARBHANI | पूर्णा | युवा रक्षक वृत्तसेवा.
पुर्णा :- पुर्णा नगरपरिषदेच्या निवडणुकीच्या निमित्ताने आम आदमी पार्टी (AAP) ने शहरातील डॉ. बाबासाहेब आंबेडकर चौकात एका भव्य जाहीर सभेचे आयोजन केले होते. यावेळी पक्षाने पुर्णा नगरपरिषद निवडणुकीत आपला विजय निश्चित असल्याचा ठाम विश्वास व्यक्त केला.
•उमेदवारांचा जाहीर प्रचार
या सभेमध्ये नगराध्यक्ष पदाचे अधिकृत उमेदवार अँड. जारा आम्बरिन शेख हुसेन , प्रभाग क्रमांक १(ब) चे उमेदवार गाझी सलमान इंजिनीयर आणि प्रभाग क्रमांक ६(ब) चे उमेदवार तौसीफ यूसुफ शेख यांच्या प्रचारावर जोर देण्यात आला.
•मान्यवरांचे पूजन व उपस्थिती
कार्यक्रमाच्या प्रारंभी महामानव शिवछत्रपती शिवाजी महाराज, क्रांतीज्योती महात्मा ज्योतीबा फुले, भारतीय राज्यघटनेचे शिल्पकार डॉ. बाबासाहेब आंबेडकर, आणि युवकांचे प्रेरणास्थान शहीद भगतसिंग यांच्या प्रतिमांचे पूजन करून मंचावरील मान्यवरांनी पुष्पहार अर्पण केले.
सभेचे अध्यक्षस्थान नांदेड जिल्हाध्यक्ष तथा परभणी जिल्हा निरिक्षक अँड. जगजीवन भेदे यांनी भूषवले. या प्रचार सभेस आम आदमी पार्टीचे ज्येष्ठ नेते नरेंद्र सिंघ ग्रंथी, प्रा. देविदास शिंदे, छत्रपती संभाजीनगरचे नेते अल्लाउद्दीन नेहरी, उमेदवार गाझी सलमान आणि प्राचार्य शाहीन बाजी यांनीही उपस्थित राहून समयोचित भाषणे केली.
•नगराध्यक्ष उमेदवारांनी व्यक्त केला विश्वास
नगराध्यक्ष पदाच्या उमेदवार अँड. जारा आम्बरिन शेख यांनी यावेळी बोलताना सांगितले की, “आम आदमी पार्टी ही भारतीय संविधानाला मानते आणि संविधानाचे मूळ उद्दिष्ट पूर्ण करण्यासाठी काम करत आहे.”
नगराध्यक्ष पदाच्या उमेदवार अँड. जारा आम्बरिन शेख यांनी यावेळी आपल्या भाषणात सांगितले की, “आम आदमी पार्टी ही भारतीय संविधानाला मानते आणि संविधानाचे मूळ उद्दिष्ट पूर्ण करण्यासाठी कटीबद्ध आहे.”
त्यांनी पुढे स्पष्ट केले की, पक्षाने मूलभूत सुविधा लोकांना उपलब्ध करून देण्यासाठी प्रभावीपणे काम केले आहे आणि याच कामामुळे या निवडणुकीच्या निमित्ताने पुर्णा नगरपरिषदमध्ये बदल घडून येईल. पुर्णेत आम आदमी पार्टीचा विजय निश्चित होईल, असा विश्वास त्यांनी यावेळी व्यक्त केला.
या प्रचार सभेस निळकंठ पाटील शेळगावकर, अँड. सोनकांबळे, मौलाना मैनोद्दीन , शेख तल्हा यांची प्रमुख उपस्थिती होती. या प्रचार सभेचे प्रास्ताविक आणि आभार प्रदर्शन आप चे परभणी जिल्हाध्यक्ष शेख हुसेन सहाब यांनी केले.