NANDED | धर्माबाद | युवा रक्षक वृत्तसेवा.
धर्माबाद :- ऑल इंडिया मजलिस-ए-इत्तेहादुल मुस्लिमीन (AIMIM) पक्षाने नांदेड जिल्ह्यातील स्थानिक स्वराज्य संस्थांच्या निवडणुका लढवण्याची घोषणा करत, आगामी राजकीय लढाईसाठी जोरदार तयारी सुरू केली आहे. पक्षाचे राष्ट्रीय अध्यक्ष असदुद्दीन ओवैसी आणि महाराष्ट्राचे अध्यक्ष तथा माजी खासदार सय्यद इम्तियाज जलील यांच्या सूचनेनुसार, नुकताच नांदेड येथे सर्व तालुका प्रतिनिधींचा एक भव्य आणि महत्त्वाचा मेळावा आयोजित करण्यात आला होता.
निवडणुकांमध्ये पूर्ण ताकद:
या मेळाव्यात स्पष्ट करण्यात आले की, नांदेड जिल्ह्यातील धर्माबादसह सर्व तालुक्यांमध्ये मजलिस-ए-इत्तेहादुल मुस्लिमीन पक्ष आगामी नगर परिषद, जिल्हा परिषद आणि पंचायत समिती निवडणुकांमध्ये पूर्ण ताकदीने भाग घेईल आणि मोठे यश संपादन करेल.
प्रमुख नेत्यांची उपस्थिती:
या सभेला महाराष्ट्राचे सरचिटणीस समीर साजिद बिल्डर, महाराष्ट्राचे उपाध्यक्ष सय्यद मोईन, मराठवाड्याचे अध्यक्ष फेरोज खान लाला आणि नांदेडचे जिल्हाध्यक्ष मिर्झा अमजद बेग यांची विशेष उपस्थिती होती. या नेत्यांच्या मार्गदर्शनामुळे उपस्थित कार्यकर्त्यांमध्ये नवी ऊर्जा आणि उत्साह संचारला.
‘मजलिस सर्व ठिकाणी लढणार’:
समीर साजिद बिल्डर, सय्यद मोईन, फिरोज खान लाला आणि मिर्झा अमजद बेग यांनी सर्व तालुक्यातील जबाबदार लोकांना सांगितले की, “यावेळी इन्शाअल्लाह, मजलिस नांदेड महानगरपालिका आणि नगरपरिषदा, जिल्हा परिषदा आणि पंचायतींसह सर्व तालुके पूर्ण ताकदीने लढवेल.”
लक्षवेधी आवाहन: मजलिस धर्माबादमध्येही निवडणूक लढवणार.
धर्माबाद येथे निवडणूक लढवण्यास इच्छुक असलेल्या कोणत्याही उमेदवाराने खालील धर्माबाद टीमशी तात्काळ संपर्क साधावा:
| नाव | संपर्क क्रमांक |
| शेख इरफान | ९७६७९३३१३४ |
| सय्यद रईसुद्दीन | ९८९०००७०६१ |
| अब्दुल काशिफ | ९५९५४५९९८८ |
| मोहम्मद सुलतान | ८२६१०२७७२६ |
| एस इम्रान पटेल | ८२३७१९९३८५ |
| शेख झहीर | ९७६६६६१००३ |



